У Варшаве прайшлі тры буйныя маніфестацыі з нагоды Дня Незалежнасці ФОТАРЭПАРТАЖ
У пятніцу, 11 лістапада, з нагоды Дня Незалежнасці Польшчы ў Варшаве адбылося больш за 15 масавых мерапрыемстваў. 11 лістапада 1918 года Польшча стала суверэннай краінай пасля 123 гадоў існавання пад панаваннем трох імперый, якія падзялілі яе тэрыторыю.
Па вуліцах польскай сталіцы прайшлі тры буйныя маніфестацыі: «Марш незалежнасці», арганізаваная апазіцыяй дэманстрацыя і антыфашысцкі марш.
«Марш незалежнасці» арганізавалі польскія нацыяналісты. У гэтым годзе ён прайшоў пад лозунгам «Польшча — бастыён Еўропы».
Маніфестацыю правёў таксама апазіцыйны Камітэт абароны дэмакратыі — грамадская структура, якая паўстала гады таму пасля таго, як да ўлады ў Польшчы прыйшла кансерватыўная партыя «Права і справядлівасьць».
У Дзень Незалежнасці прайшоў таксама антыфашысцкі марш. Ён пачаўся з цэнтральнай Замкавай плошчы. Сярод удзельнікаў гучалі лозунгі супраць фашызму, неалібэралізму і дыскрымінацыі.
У масавых мерапрыемствах у польскай сталіцы ўзялі ўдзел дзясяткі тысяч чалавек. Нягледзячы на значныя зборы людзей, сталічная паліцыя паведамляе, што ніякіх сур'ёзных інцыдэнтаў зафіксавана не было. За бяспекай у Варшаве сачылі каля сямі тысяч супрацоўнікаў праваахоўных органаў.
Цяпер чытаюць
Лосік расказаў, як Бабарыку катавалі ў наваполацкай калоніі20
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары