Сёння, 12 снежня, у мінскім клубе «Грай» партал Tuzin.fm справіць 13-годдзе і ўручыць прэмію «Героі года» за 2016-ты. Імпрэза пачнецца а 19-й гадзіне.
Прэмія ўручаецца ў дзвюх намінацыях — «Адкрыццё» і «Героі». На званне «Адкрыццё году» сёлета прэтэндуе дзевяць намінантаў — гэта гурты Ferris Wheel, Intelligency,The Superbullz, Barrokka, SnopSnou, Sakramant, спевакі Рэй, Ільля Фаляжынскі ды бітмэйкер Tony Fadd.
«Пры выбары намінантаў мы ўлічвалі як актуальнасць ды арыгінальнасць творчасці, так і актыўнасць выканаўцы, якая выяўляецца ў аўдыё- і відэарэлізах, актыўнасці ў сацсетках, прарыўных канцэртах на Радзіме ды за мяжой», — тлумачыць кіраўнік партала Tuzin.fm Сяргей Будкін.
У намінацыі «Героі году» cёлета восем прэтэндэнтаў. Гэта Irdorath, Brutto, «Стары Ольса», Re1ikt, Cяргей Доўгушаў і Vuraj, Лявон Вольскі, Shuma, Dzieciuki.
Пераможцы будуць названыя на 13-годдзі парталу Tuzin.fm, якое пройдзе ў клубе «Грай» 12 снежня. На канцэрце ў гэты дзень сыграюць некаторыя з намінантаў — Intelligency, SnopSnou, Vuraj. Арганізатары папярэджваюць, што ў гэты вечар магчымыя сюрпрызы.
Трэк-ліст намінантаў на «Адкрыццё году»
Трэк-ліст намінантаў на «Герояў году»
Даведкі па тэлефоне +375 29 687-20-93.
Квіткі на SMSbilet.by i Bezkasira.by
Уваход — 12 рублёў (папярэдне), 15 рублёў (у дзень)
-
Кветкі, мурал і тысячы прыхільнікаў. Як прайшло развітанне з Озі Осбарнам у яго родным Бірмінгеме
-
Паставіць намёт — ад 70 рублёў, шаўрма па 20, душ за 10: як селёта праходзіць Viva Braslav
-
«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі
Цяпер чытаюць
Келагу паказалі кампраметуючыя відэаматэрыялы на беларускую апазіцыю? Так мяркуе Латушка13
Каментары