У Маларыцкім раёне 41-гадовы мясцовы жыхар абвінавачаны ў забойстве маці.
Як паведаміла афіцыйны прадстаўнік упраўлення Следчага камітэта па Брэсцкай вобласці Марына Дранькова, паводле матэрыялаў следства, 5 снежня ў вёсцы Гвозніца ў доме па месцы жыхарства паміж мужчынам і яго 62-гадовай маці здарыўся канфлікт. Падчас сваркі сын нанёс маці «не менш за сем удараў рукамі і нагамі, а таксама шкляной бутэлькай і жаночым ботам у вобласць галавы і цела».
Суседзі, пачуўшы шум у доме, патэлефанавалі на 102. Супрацоўнікі органаў унутраных спраў, якія прыбылі на месца, затрымалі сына пенсіянеркі. Ён знаходзіўся ў стане алкагольнага ап'янення.
Пацярпелую даставілі ў бальніцу, дзе 11 снежня ад атрыманых цялесных пашкоджанняў яна памерла.
Мужчыну выстаўленае абвінавачанне на падставе ч. 1 арт. 139 КК (забойства), ён знаходзіцца пад вартай.
Паводле слоў абвінавачанага, ён стаў скандаліць з-за таго, што маці выпіла бутэльку віна, якую ён набыў за свае грошы.
Раней мужчына судзімы не быў. Жыве за кошт аплаты работ па гаспадарцы ў аднавяскоўцаў.
Цяпер чытаюць
Памёр 50-гадовы спецназавец Буцько. Ён быў удзельнікам выкрадання і забойства Захаранкі і Ганчара4
Каментары