Удзел мужчынскай зборнай Беларусі на чэмпіянаце свету па хакеі з мячом знаходзіцца пад сумневам.
Прэзідэнт федэрацыі Віктар Пляц выказвае прэтэнзіі міністру спорта Аляксандру Шамко. Той, заняўшы пасаду ў канцы 2012 года, адмовіўся фінансаваць зборную Беларусі па хакеі з мячом.
Ён нібыта паабяцаў выдзеліць на чэмпіянат свету-2013 палову запытанай сумы, але ў выніку не даў ні рубля. На наступныя спаборніцтвы грошы таксама шукала федэрацыя. Паколькі чэмпіянаты свету год за годам праходзілі ў Расіі, квіткамі дапамагала расійская федэрацыя.
Сёлета хакеісты мусяць ехаць у Швецыю, і грошаў няма. «Гульцы і трэнеры не могуць сабе дазволіць куплю авіябілетаў да Стакгольма і назад, не кажучы ўжо аб фінансаванні з уласнай кішэні трэніровачнага збору ў Швецыі хоць бы на 4 дні. Міністр, як заўсёды, заняў пазіцыю «мая хата з краю». Так што, хутчэй за ўсё, Беларусь на чэмпіянаце свету па хакеі з мячом заўзятары Швецыі, Расіі, Казахстана, Фінляндыі і Нарвегіі не ўбачаць», — абураецца Пляц.
Зборная Беларусі займала на апошніх чэмпіянатах свету шостае-сёмае месцы. Асаблівасць канкурэнцыі ў хакеі з мячом ў тым, што Беларусь спачатку знішчае Латвію з лікам 18:2, а пасля сама церпіць разгром ад Фінляндыі (3:17).
Чаму беларускія падаткаплацельшчыкі павінны фінансаваць гэты від спорта?
«Ну ў якіх гульнявых відах спорту каманды Беларусі маглі на працягу многіх гадоў абыгрываць ЗША? Хіба што ў гандболе. Але калі тое было? Цяперашняе пакаленне гэтага ўжо і не памятае», — кажа Віктар Пляц. Да таго ж, ён спадзяецца на алімпійскія перспектывы хакея з мячом.
Памерла палітзняволеная Алена Панкова. Паўгода назад яе асудзілі за ўдзел у пратэстах7
Каментары