Сурок Філ з горада Панксатоні (штат Пенсільванія), які прадказвае надвор'е, убачыў свой цень. Гэта азначае, што ранняй вясны чакаць не выпадае — наперадзе яшчэ шэсць тыдняў зімы.
Punxsutawney Phil saw his shadow, meaning six more weeks of winter is on the way. https://t.co/JI3ghMegKG pic.twitter.com/pQ0S6oWSs5
Гэта было ўжо 131-е прадказанне Філа. Традыцыя прадказваць надвор'е з дапамогай сурка пачалася ў Панксатоні ў 1886 годзе. Філ праславіўся, у тым ліку, дзякуючы фільму «Дзень сурка» з Білам Мюрэем у галоўнай ролі.
Дзень сурка адзначаецца 2 лютага ў ЗША і Канадзе. Лічыцца, што калі сурок, выйшаўшы з норкі, не ўбачыць свой цень і застанецца на вуліцы, вясна прыйдзе хутка. А калі ён убачыць цень і спалохаецца, зіма скончыцца няхутка.
У Беларусі сёння католікі адзначаюць Грамніцы (15 лютага іх святкуюць праваслаўныя).
На Грамніцы ў цэрквах свецяць свечкі, каб яны аберагалі хаты ад перуна. Народная мудрасць кажа: «Грамніцы — палавіна зіміцы, маразоў палавіцы».
Народныя прыкметы такія: «Як на Грамніцы певень нап’ецца вадзіцы, дык на Юр’я [23 красавіка ў католікаў, ці 6 мая ў праваслаўных] вол наесца травіцы».
Сёння адлігі не было, значыць ранняй вясны ў Беларусі таксама не будзе.
Цяпер чытаюць
Радыёвядучы расказаў пра ўнутраную кухню АНТ — і пра тое, як ператварыўся ў палітвязня3
Каментары