Дашкевіч заклікаў падтрымаць беларускамоўнага кіроўцу аўтобуса, на якога пішуць скаргі прарасійскія актывісты
Віктар Бразоўскі, 57-гадовы беларускамоўны кіроўца аўтобуса, на якога прарасійскі актывіст напісаў скаргу за бел-чырвона-белую стужку, працягвае сутыкацца з праблемамі праз сваю пазіцыю.
«Шавіністычная мярзота працягвае страчыць даносы на перавозчыка Віктара Бразоўскага, аўтобус якога вазіў патрыётаў на святкаванне Слуцкага збройнага чыну. Пераслед звязаны не толькі з выплатай дробных штрафаў, але перадусім выбівае з працоўнага графіку. Бацька пяці дзяцей Віктар Бразоўскі вымушаны не працаю займацца, а катацца суткамі па падатковых, транспартнай інспекцыі і ДАІ. Прапаную патрыётам згуртавацца і рублём падтрымаць патрыятычную дзейнасьць спадара Віктара», — напісаў у сваім фэйсбуку Зміцер Дашкевіч.
Дашкевіч таксама заклікаў падтрымаць Бразоўскага матэрыяльна:
«Закідваем невялікія сумы на тэлефон Віктара Бразоўскага 8029 654 4387 (velcom); у каго ляжыць сэрца і дазваляе фінансавае становішча, можаце пакінуць большыя ахвяраванні на офісе Арт-сядзібы (Незалежнасці 58-430) ці офісе Партыі БНФ (Чарнышэўскага З, першы пад’езд); замаўляем перавозкі ў патрыёта і шматдзетнага бацькі Віктара Бразоўскага».
Чытайце таксама: Беларускамоўны кіроўца аўтобуса, бацька пяці дзяцей: «Кажу, што з Беларусі, а ў людзей аж твары святлеюць»
Цяпер чытаюць
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў2
Каментары