Ва ўсёй краіне затрымлівалі журналістаў, каб сарваць асвятленне акцый пратэсту ў малых гарадках
На нашых калегаў па ўсёй краіне сёння ідзе «паляванне». У чатырох гарадах здымачныя групы «Белсату» затрыманыя.
Затрыманне Алеся Леўчука ў Кобрыне
У Facebook пра сваё затрыманне паведаміў журналіст, які на фрылансе супрацоўнічае з «Белсатам», Алесь Ляўчук. Ён паспеў коратка адпісацца на сваёй старонцы, што затрыманы. Цяпер яго тэлефон выключаны. Месца знаходжання невядомае. З’явілася інфармацыя, што Алеся Ляўчука затрымалі ў Кобрыне.
Затрыманні журналістаў ў Гомлі
Фрылансерка, якая супрацоўнічае з «Белсатам» Ларыса Шчыракова 5 хвілінаў таму паведаміла, што была затрыманая ў Гомлі. Дачапіліся да машыны, што нібыта ўгнаная.
Таксама спынілі Кастуся Жукоўскага, які кіраваў уласным аўтам. Супрацоўнікі ДАІ патрабуюць паказаць, што знаходзіцца ў багажніку. Спадар Жукоўскі патрабуе, каб гэта зрабілі з панятымі.
Затрымалі Сяргея Русецкага і Уладзіміра Лунёва каля Полацку
Updt. 13:56. Русецкага і Лунёва адпусцілі
На Віцебшчыне міліцыянты затрымалі журналістаў Сяргея Русецкага і Уладзіміра Лунёва. Яны знаходзяцца ў РАУСе ў Полацку. Вядома, што міліцыянты патрабуюць ад журналістаў пісьмовых тлумачэнняў. На дадзены момант сувязі з журналістамі няма.
Стала вядома, што Русецкага і Лунева спынілі за некалькі кіламетраў да Полацку. Калі яны накіроўваліся ў Новаполацк на акцыю, супраць дэкрэта № 3. Паводле міліцыянтаў, прычына спынення ў тым, што 1 сакавіка ў вёсцы Фарынава адбыўся разбойны напад, і аўта, на якім перасоўваліся журналісты, падобнае на аўта, якое фігуруе ў справе па разбойным нападзе.
Затрыманне Вольгі Чайчыц і Сяржука Кавалёва ў Барысаве
Журналістаў Вольгу Чайчыц і Сяржука Кавалёва затрымалі падчас наўпроставага эфіру. Яны вялі онлайн-трансляцыю з плошчы ў Барысаве.
Каля 15-й Вольга Чайчыц паведаміла ў сацсетках, што яе выпусцілі.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары