Va ŭsioj krainie zatrymlivali žurnalistaŭ, kab sarvać aśviatleńnie akcyj pratestu ŭ małych haradkach
Na našych kalehaŭ pa ŭsioj krainie siońnia idzie «palavańnie». U čatyroch haradach zdymačnyja hrupy «Biełsatu» zatrymanyja.
Zatrymańnie Alesia Leŭčuka ŭ Kobrynie
U Facebook pra svajo zatrymańnie paviedamiŭ žurnalist, jaki na fryłansie supracoŭničaje z «Biełsatam», Aleś Laŭčuk. Jon paśpieŭ koratka adpisacca na svajoj staroncy, što zatrymany. Ciapier jaho telefon vyklučany. Miesca znachodžańnia nieviadomaje. Źjaviłasia infarmacyja, što Alesia Laŭčuka zatrymali ŭ Kobrynie.
Zatrymańni žurnalistaŭ ŭ Homli
Fryłansierka, jakaja supracoŭničaje z «Biełsatam» Łarysa Ščyrakova 5 chvilinaŭ tamu paviedamiła, što była zatrymanaja ŭ Homli. Dačapilisia da mašyny, što nibyta ŭhnanaja.
Taksama spynili Kastusia Žukoŭskaha, jaki kiravaŭ ułasnym aŭtam. Supracoŭniki DAI patrabujuć pakazać, što znachodzicca ŭ bahažniku. Spadar Žukoŭski patrabuje, kab heta zrabili z paniatymi.
Zatrymali Siarhieja Rusieckaha i Uładzimira Łuniova kala Połacku
Updt. 13:56. Rusieckaha i Łuniova adpuścili
Na Viciebščynie milicyjanty zatrymali žurnalistaŭ Siarhieja Rusieckaha i Uładzimira Łuniova. Jany znachodziacca ŭ RAUSie ŭ Połacku. Viadoma, što milicyjanty patrabujuć ad žurnalistaŭ piśmovych tłumačeńniaŭ. Na dadzieny momant suviazi z žurnalistami niama.
Stała viadoma, što Rusieckaha i Łunieva spynili za niekalki kiłamietraŭ da Połacku. Kali jany nakiroŭvalisia ŭ Novapołack na akcyju, suprać dekreta № 3. Pavodle milicyjantaŭ, pryčyna spynieńnia ŭ tym, što 1 sakavika ŭ vioscy Farynava adbyŭsia razbojny napad, i aŭta, na jakim pierasoŭvalisia žurnalisty, padobnaje na aŭta, jakoje fihuruje ŭ spravie pa razbojnym napadzie.
Zatrymańnie Volhi Čajčyc i Siaržuka Kavalova ŭ Barysavie
Žurnalistaŭ Volhu Čajčyc i Siaržuka Kavalova zatrymali padčas naŭprostavaha efiru. Jany viali onłajn-tranślacyju z płoščy ŭ Barysavie.
Kala 15-j Volha Čajčyc paviedamiła ŭ sacsietkach, što jaje vypuścili.
Kamientary