У Віцебску супрацоўнікаў завода сантэхнарыхтовак перавялі на 2-гадзінны працоўны тыдзень
На Віцебскім заводзе сантэхнарыхтовак скарацілі працоўны графік да дзвюх гадзін на тыдзень. Супрацоўнікі прадпрыемства працуюць па панядзелках з 8.00 да 10.20 гадзін з 20-хвілінным перапынкам на абед.
Такое рашэнне прынята кіраўніцтвам завода ў сувязі «са складаным эканамічным становішчам, доўгай адсутнасцю будаўніча-мантажных работ, у мэтах зніжэння працавыдаткаў».
«Аплата будзе праводзіцца прапарцыйна адпрацаванаму часу. У выпадку адмовы працягнуць працу ў новых умовах працы вы будзеце звольненыя… » — гаворыцца ў распараджэнні за подпісам дырэктара завода Вячаслава Пракоф'ева. Кіраўнік кампаніі адмовіўся ад каментароў, спаслаўшыся на занятасць.
У бухгалтэрыі прадпрыемства паведамілі, што завод працуе на поўным працоўным тыдні, а скарачэнне закранула толькі адно падраздзяленне.
«Толькі мантажны ўчастак быў пераведзены на скарочаны працоўны тыдзень — гэта літаральна дзевяць чалавек», — кажуць на Віцебскім заводзе сантэхнарыхтовак. Пры гэтым у распараджэнні за подпісам дырэктара гаворыцца пра ўвесь завод, а не пра канкрэтны ўчастак.
У лютым на прадпрыемства шукалі юрысконсульта на 410 рублёў, намесніка галоўнага бухгалтара на 640 рублёў, а ў студзені — электразваршчыка 3—4 разраду (на 300 рублёў).
Цяпер чытаюць
Вынеслі прысуд Паліне Зыль — блогерцы, якая стала нулявым пацыентам справы Гаюна, бо ў яе знайшлі тую самую спасылку ад Матолькі15
Каментары