Супрацоўнікі крымінальнага вышуку на працягу трох гадзін раскрылі асабліва цяжкае злачынства, паведамілі карэспандэнту агенцтва «Мінск-Навіны» ў Фрунзенскім РУУС.
— У міліцыю патэлефанаваў грамадзянін, каб паведаміць, што яго з таварышам збілі двое малазнаёмых мужчын, разам з якімі прыяцелі напярэдадні вечарам распівалі спіртное. Ачуняўшы, адзін з пацярпелых выявіў, што яго таварыш не падае прыкмет жыцця. Медработнікі, якія прыбылі на месца здарэння ў зав. Альшэўскага, канстатавалі смерць мужчыны 1963 г. р., — распавёў афіцыйны прадстаўнік Фрунзенскага РУУС Наталля Аскірка.
У ходзе комплексу аператыўна-вышуковых мерапрыемстваў былі затрыманыя два чалавекі: маладыя людзі 19 і 26 гадоў, абодва не працуюць, раней прыцягваліся да крымінальнай адказнасці за рабаванне і крадзяжы. У дачыненні да іх распачата крымінальная справа па ч. 2 арт. 139 («Забойства») КК Рэспублікі Беларусь.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты17
Каментары