Дзяржаўны сакратар ЗША Рэкс Тылерсан заявіў, што сёння «амаль няма даверу» між Злучанымі Штатамі і Расіяй.
Ён згадаў пагадненні аб кантролі над узбраеннямі і ўкраінскі крызіс як сферы, дзе Масква «сёння не асабліва дапамагае», у час прэзентацыі будучыні Дзярждэпартамэнта пры адміністрацыі Дональда Трампа 3 мая ў Вашынгтоне, перадае Associated Press.
«Мы зрабілі шэраг спробаў стабілізаваць нашы стасункі, — казаў Рэкс Тылерсан пра ЗША і Расію. — Выканаўца абавязкаў намесніка дзяржсакратара Шэнан кіруе намаганнямі рабочай групы ўбачыць магчымасць разабрацца з рэчамі, якія ў дачыненнях толькі дакучаюць, якія не даюць нам размаўляць міжсобку прынамсі ў ветлівым тоне».
Тылерсан сказаў, што плануе абмеркаваць пытанні супрацы ў вырашэнні сырыйскага канфлікту са сваім расійскім калегам Сяргеем Лаўровым у кулуарах мерапрыемстваў Арктычнай рады 10-11 мая на Алясцы.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць22
Каментары