У Швейцарыі ў нядзелю, 21 мая, праходзіць рэферэндум па энергетычнай рэформе — грамадзяне выкажуць сваю пазіцыю па ухваленай парламентам «Энергетычнай стратэгіі — 2050».
Пра гэта паведамляе Swissinfo.
Стратэгія прапануе адмовіцца ад будаўніцтва новых атамных электрастанцый і скараціць выкарыстанне ў краіне традыцыйных крыніц электраэнергіі, такіх як газ і вугаль.
Цэнтральны пункт энергетычнай рэформы - паэтапнае закрыццё на працягу бліжэйшых дзесяцігоддзяў усіх пяці атамных электрастанцый, якія вырабляюць трацину спажыванай энергіі. Затое прапануюць пераход на экалагічныя і аднаўляльныя крыніцы энергіі.
Вынесеная на рэферэндум «Стратэгія» мяркуе рэалізаваць пакет мерапрыемстваў, у выніку чаго за перыяд да 2035 года сярэдняе энергаспажыванне ў краіне ў пераліку на душу насельніцтва знізіцца на 43% у параўнанні з паказчыкамі 2000 года.
Дэфіцыт мяркуецца кампенсаваць за кошт развіцця энергетычных тэхналогій, якія абапіраюцца на аднаўляльныя і экалагічна нейтральныя крыніцы. Стаўка робіцца таксама на мадэрнізацыю швейцарскіх ГЭС.
Праціўнікі энергетычнай рэформы лічаць, што яна прывядзе да росту цэн на электрычнасць і да павелічэння залежнасці Швейцарыі ад паставак энергіі з-за мяжы.
Паводле звестак апошніх апытанняў, колькасць прыхільнікаў новай энергетычнай палітыкі трохі перавышае колькасць праціўнікаў.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца7
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары