Каля 200 членаў кангрэса ЗША ад Дэмакратычнай партыі падалі калектыўны пазоў супраць прэзідэнта Дональда Трампа, абвінаваціўшы яго ў парушэнні забароны на атрыманне прыбытку ад прадстаўнікоў замежных дзяржаў.
Дакумент падпісалі прынамсі 30 сенатараў і 166 членаў палаты прадстаўнікоў.
Яны сцвярджаюць, што гэта самы масавы групавы пазоў, пададзены заканадаўцамі супраць прэзідэнта, у гісторыі ЗША.
Паводле амерыканскай канстытуцыі, прэзідэнту забаронена атрымліваць падарункі ад прадстаўнікоў замежных урадаў без адабрэння кангрэса.
Пры гэтым, як адзначаюць пазоўнікі, з моманту ўступлення на пасаду Трамп яшчэ ні разу не браў дазволу на плацяжы, атрыманыя яго кампаніямі ад замежных урадаў.
«Прэзідэнт Трамп мае канфлікты інтарэсаў прынамсі ў 25 краінах, і падобна, што ён выкарыстоўвае пасаду прэзідэнта для таго каб максімізаваць прыбытак», - цытуе агенцтва Рэйтэр члена Палаты прадстаўнікоў Джона Коніерса.
«Мы робім гэта не таму што гэта дастаўляе нам задавальненне і не таму што гэта выгадна, але з-за таго што прэзідэнт Трамп не пакінуў нам іншага выбару», - дадаў Коніерс.
Бізнес-імперыя Трампа ўключае ў сябе больш за 500 камерцыйных структур, сярод якіх гатэлі, гольф-клубы, жылыя дамы. З многімі з кампаній, падкантрольных Трампу, супрацоўнічалі афіцыйныя прадстаўнікі замежных дзяржаў.
-
Генерал Аляксееў, у якога сёння стралялі ў Маскве, датычны да катавання абаронцаў «Азоўсталі». Пракапенка: Справа будзе даведзена да канца
-
У Пецярбургу прафесара арыштавалі па абвінавачванні ў дзяржздрадзе, бо публікацыі магла чытаць нарвежская разведка
-
Лаўроў назваў замах на генерала Аляксеева спробай сарваць перамовы
Цяпер чытаюць
«На 15 хвілін выключылі святло — божа мой, з Украінай параўналі». Лукашэнка патлумачыў, колькі эканоміць на вулічным асвятленні32
Каментары