Віленскі акруговы суд прыгаварыў расіяніна Мікалая Філіпчанку да 10 гадоў пазбаўлення волі па абвінавачванні ў шпіянажы. Улады Літвы сцвярджаюць, што Філіпчанка быў дзеючым супрацоўнікам расійскіх спецслужбаў.
Паводле інфармацыі дэпартамента дзяржбяспекі Літвы, гэта першы выпадак, калі ў краіне па абвінавачванні ў шпіянажы быў затрыманы супрацоўнік ФСБ.
Згодна з матэрыяламі суда, Філіпчанка спрабаваў завербаваць служачых дэпартамента дзяржбяспекі краіны, каб тыя ўстанавілі прылады дзеля праслухоўвання ў рэзідэнцыі і працоўным кабінеце прэзідэнта рэспублікі Далі Грыбаўскайце.
Па сцвярджэнні праваахоўных органаў Літвы, Філіпчанка выкарыстаў падробленыя дакументы і неаднаразова нелегальна перасякаў мяжу краіны.
Як заявіла суддзя Рэгіна Поцене, расіянін адмовіўся даваць паказанні па справе. Ён таксама не стаў адказваць на пытанні журналістаў, калі яго пад аховай выводзілі з залы суда.
Па словах адваката Філіпчанка Галіны Карданоўскай, яе падабаронны віну не прызнае.
Прысуд можа быць абскарджаны ў Літоўскім апеляцыйным судзе на працягу 20 дзён.
Філіпчанка быў затрыманы на тэрыторыі Літвы ў 2015 годзе, калі ішоў транзітным цягніком з Калінінградскай вобласці ў Беларусь.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары