Закрываецца дзіцячы дом у Жодзіне. Ён прапрацаваў 45 гадоў, за савецкім часам тут на выхаванні знаходзілася да 300 дзяцей.
У апошнія месяцы сюды не прымалі новых выхаванцаў. Працавала дзве групы, у якіх жыло каля 30 хлопчыкаў і дзяўчынак.
21 дзіця ўжо уладкавана ў дзіцячыя дамы сямейнага тыпу, у прыёмныя і апякунскія сем'і. Пакуль не вызначаны лёс дзевяці хлопчыкаў і адной дзяўчынкі.
Адміністрацыя дзіцячага дома шукае гэтым дзецям бацькоў. Калі такія не знойдуцца, то Косціка, Даніка, Дзіму, Мікіту, Багдана, Сашу, Ігара, Алёшу, Ягора і Эліну пасля 1 жніўня размяркуюць па іншых інтэрнатах і дзіцячых дамах.
За апошнія паўтара года ў Жодзіне адкрылі два дзіцячыя дамы сямейнага тыпу. У траўні 2016 года адкрыўся дом Радкевічаў, а ў маі 2017 года шасцёра дзяцей пасяліліся ў сям'і Падаляк.
Цяпер чытаюць
Што вядома пра былога палітвязня Сакалоўскага, які памёр у Берліне ў 47 гадоў1
Каментары