Ва Украіне да канца года запрацуюць сэрвісы, якія дазволяць пажаніцца анлайн і гэтак жа зарэгістраваць дзяцей. Пра гэта на сваёй старонцы ў Facebook напісаў прэм'ер-міністр Уладзімір Гройсман, паведамляе УП.
«Укараненне электронных паслуг — адзін з прыярытэтаў урада, таму Дзяржаўнае агенцтва па пытаннях электроннага кіравання плённа працуе ў гэтым кірунку. Да канца года плануецца ўвесці яшчэ шэраг анлайн-сэрвісаў. У прыватнасці, рэгістрацыя дзіцяці і шлюбу анлайн», — напісаў ён.
Па яго словах, цяпер найбольшай папулярнасцю карыстаецца электронная паслуга па адкрыцці ФАП (фізічная асоба — прадпрымальнік).
«Так, з дапамогай анлайн-сэрвісу ўжо адкрыта 1211 ФАП», — паведаміў ён.
Ён таксама параіў, што ўкраінцам варта афармляць электронны подпіс.
«Варта дадаць, што шырокаму распаўсюджванню электронных паслуг спрыяе забеспячэнне ўкраінцаў надзейнымі сродкамі электроннай ідэнтыфікацыі. Пакуль ва Украіне такім сродкам з'яўляецца электронны лічбавы подпіс (ЭЛП). Таму я параіў бы ўсім украінцам, якія яшчэ не маюць ЭЛП, афармляць яго», — напісаў ён.
«З восені пачнецца выдача ўнутраных пашпартоў у выглядзе ID-карты адразу з электроннай лічбавым подпісам (ЭЛП), а да канца года ва Украіне запрацуе MobileID (ЭЛП на SIM-карце)», — дадаў Гройсман.
-
Большасць індыйскіх нафтаперапрацоўчых заводаў адмовілася ад новых закупак расійскай нафты
-
Былы прэзідэнт Эстоніі засумняваўся, што ў Расіі даюць восем гадоў за пасты пра Бучу. Яму адказаў былы асуджаны
-
Былы адвакат Трампа і галівудскі прадзюсар бяруць пад кантроль ізраільскага вытворцу шпіёнскай праграмы Pegasus
Цяпер чытаюць
Работніцы «Мінск-Арэны» далі калонію за «садзейнічанне экстрэмізму»2
Работніцы «Мінск-Арэны» далі калонію за «садзейнічанне экстрэмізму»
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8989
Каментары