Еўракамісія патлумачыла такое рашэнне.
Грамадзяне Расіі больш не змогуць атрымліваць шэнгенскія мультывізы. Такое рашэнне агучылі ў Еўракамісіі.
Але аднаразовыя візы ім працягнуць выдаваць. Цяпер расіяне павінны будуць падаваць заявы на новую візу штораз, калі захочуць уехаць у Еўрасаюз. Гэта, як мяркуецца, дазволіць праводзіць дбайную і частую праверку заяўнікаў для зніжэння любой патэнцыйнай пагрозы бяспекі.
Выключэнні будуць толькі для «выразна вызначаных груп заяўнікаў, якія ўяўляюць сабой паніжаны профіль рызыкі». Гэта члены сем'яў жыхароў краін ЕС і работнікі транспарту.
Новыя правілы тычацца толькі заяў расіян, пададзеных у Расіі.
Еўракамісія тлумачыць, што прыняла гэта рашэнне з прычыны росту рызык для бяспекі, звязаных з вайной Расіі супраць Украіны, уключаючы выкарыстанне міграцыі ў якасці зброі, акты сабатажу і патэнцыйнае злоўжыванне візамі.
Каментары
І будуць ездзіць і выскаляцца на "загніваючую" Еўропу.
Любіць абмяркоўваць ісламскіх прыбышаў, але кожны рускі ня меньшая пагроза.