У Мінску сумнавядомая сям'я з помсты планавала забіць больш за 50 чалавек
Завершанае расследаванне крымінальнай справы ў дачыненні да сямейнай злачыннай групоўкі якая склала спіс з 52 чалавек для фізічнага знішчэння з помсты. Свой план яны рэалізавалі часткова, пазбавіўшы жыцця адну жанчыну. Падрабязнасці распавялі ў пракуратуры Мінска.
Гісторыя пачалася ў 2018 годзе, калі Аляксандр Ліпскі быў асуджаны за прычыненне цялесных пашкоджанняў дваім пацярпелым і асабліва злоснае хуліганства.
Пасля ўступлення прысуду ў сілу ў 2020 годзе асуджаны разам з маці і бацькам вырашыў адпомсціць усім, хто, на яго думку, быў датычны да яго крымінальнага пераследу.
Некалькі гадоў усе трое старанна рыхтаваліся да здзяйснення забойстваў: збіралі інфармацыю аб патэнцыйных ахвярах, вялі за імі сачэнне, распрацавалі план і набылі цэлы арсенал зброі. Пры ператрусе ў іх выявілі пісталет, стралковую гладкаствольную зброю, «глушыцель» для яго, самаробныя ручныя гранаты, не менш за 150 баявых патронаў, 27 магазінаў да зброі, а таксама ручныя дымавыя гранаты і многае іншае.
8 лістапада 2021 года Ліпскі пракраўся ў кватэру жанчыны на сталічным праспекце Ракасоўскага і застрэліў гаспадыню. Яе муж цудам выратаваўся, выскачыўшы з балкона пятага паверха.
Міліцы ўдалося выйсці на след злачынцаў. У верасні 2024 года бацькі Ліпскага былі затрыманыя, а сам ён аказаў узброены супраціў і быў смяротна паранены.
Крымінальная справа накіраваная ў суд. Бацькі абвінавачанага знаходзяцца пад вартай.
Цяпер чытаюць
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне6565
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне65
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары