Кіраўнік назіральнага савета расійскага Інстытута дэмаграфіі, міграцыі і рэгіянальнага развіцця Юрый Крупноў прапанаваў прэзідэнту Расіі перанесці сталіцу за Урал, паведамляе RT.
На яго думку, Расія «гіперцэнтралізаваная»: сталічны рэгіён «увабраў у сябе практычна пятую частку ўсяго расейскага насельніцтва». Нацыянальнае развіццё таксама акцэнтавана на 15-25 мегаполісах, у якіх пражывае «ужо больш за палову» ўсіх грамадзян, дадаў Крупноў.
Дэмограф пазначыў адпаведную ініцыятыву ў праекце «Дактрыны размасквічвання», які ўжо накіраваў прэзідэнту РФ.
У дакуменце гаворыцца, што ў выніку ўнутранай міграцыі Расія можа страціць свае геапалітычныя перавагі. Прыярытэт у развіцці, на думку Крупнова, варта аддаць Далёкаму Усходу і Сібіры.
Дакумент сустрэў рэзкую крытыку ў Грамадскай палаце РФ. «Гэта не адпавядае ні гістарычным традыцыям, ні рэальнасці. Такі перанос сталіцы будзе каштаваць сотні мільярдаў даляраў, напэўна, з улікам пераносу ўсёй інфраструктуры, у тым ліку і ўсіх ліній абароненай сувязі, забеспячэння супрацьракетнай абароны гэтага раёна. Акрамя кур'ёзу і імкнення невядомага дагэтуль інстытута зрабіць сабе піяр, тут нічога няма «, - сказаў першы намеснік старшыні камісіі па гарманізацыі міжнацыянальных і міжрэлігійных адносін Грамадскай палаты Максім Грыгор'еў.
Цяпер чытаюць
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1919
Каментары