Еўракамісія папрасіла Украіну хутчэй адрамантаваць нафтаправод «Дружба»
Еўрапейская камісія звярнулася да Украіны з просьбай паскорыць рамонт нафтаправода «Дружба», які быў сур’ёзна пашкоджаны 27 студзеня ў выніку расійскай атакі. Пашкоджанне трубаправода выклікала напружанне, бо Венгрыя ў адказ заблакавала выдзяленне Украіне крэдыту на 90 мільярдаў еўра і новы пакет санкцый супраць Расіі, піша Euronews.
Пакуль «Дружба» не працуе, найбольш рэальнай альтэрнатывай паставак нафты ў Венгрыю і Славакію называюць харвацкі нафтаправод «Адрыя». Яго аператар заявіў, што магутнасцяў дастаткова, каб пакрыць гадавыя патрэбы абедзвюх краін. У Бруселі таксама пацвердзілі, што праз гэты маршрут ужо транспартуецца нерасійская нафта.
Абедзве краіны ўжо выкарысталі частку сваіх аварыйных запасаў, якія паводле правіл ЕС павінны пакрываць мінімум 90 дзён імпарту. У Еўракамісіі падкрэсліваюць, што непасрэднай пагрозы энергетычнай бяспецы ЕС пакуль няма.
Разам з тым Будапешт і Браціслава настойваюць на сваім праве атрымліваць больш танную расійскую нафту праз «Дружбу», бо маюць выключэнне з санкцый. Венгрыя абвінаваціла Украіну ў «шантажы» і абвясціла падвойнае вета. Прэм’ер-міністр Віктар Орбан нават заявіў пра размяшчэнне вайскоўцаў для аховы нафтавай інфраструктуры і стварэнне зоны, забароненай для дронаў, каля мяжы з Украінай.
Падчас учарашняга візіту ў Кіеў старшыня Еўракамісіі Урсула фон дэр Ляен заклікала паскорыць рамонт трубаправода. Прэзідэнт Украіны Уладзімір Зяленскі адказаў, што рамонт ускладняецца пастаяннымі абстрэламі і небяспекай для людзей. Украіна сцвярджае, што вядзе аднаўленчыя работы, але канкрэтных тэрмінаў іх заканчэння не называе.
Спрэчка вакол «Дружбы» ўскладняе сітуацыю для Бруселя: з аднаго боку, ёй трэба гарантаваць энергетычную бяспеку краін ЕС, з другога — як мага хутчэй выдзеліць Украіне ўзгоднены крэдыт. Кіеву новыя сродкі патрэбныя ўжо ў красавіку.
Фон дэр Ляен паабяцала, што Украіна атрымае заблакаваныя Орбанам 90 мільярдаў еўра «так ці інакш»
Міністр замежных спраў Венгрыі назваў умову, пры якой краіна падтрымае выдачу Украіне 90 млрд еўра
Адрэзаная ад нафтаправода «Дружба» Славакія купіла сем танкераў нафты ў іншых краінах
Еўрасаюз не патрабуе ад Украіны хутка рамантаваць нафтаправод «Дружба»
Каментары
А без Еўракамісіі Украіна не можа сама зразумець неабходнасць такіх дзеянняў?
Пошёл 5 год войны....
А что начнётся после подписания "мира", "перемирия" !?? , страшно представить......