У Кіеве ўшанавалі памяць Алеся Чаркашына і Віталя Ціліжэнкі, якія загінулі на Данбасе ФОТА
У Кіеве на вуліцы Беларускай беларускія і ўкраінскія актывісты ўшанавалі памяць беларуса Алеся Чаркашына і ўкраінца Віталя Ціліжэнкі, якія два гады таму загінулі на Данбасе.
«Віталь Ціліжэнка загінуў у баі пад Старагнатаўкай Валнавахскага раёну, а Алесь быў паранены, больш як два тыдні змагаўся за сваё жыцьцё і памёр 28 жніўня ў Запароскім шпіталі», — сказаў Вадзім Кабанчук, які таксама тады змагаўся ў шэрагах батальёну «Добраахвотніцкі ўкраінскі корпус».
Вадзім Кабанчук дадаў, што Алесь Чаркашын атрымаў у адной з навучальных установаў Хэрсону дыплём тэоляга і плянаваў займацца місіянэрскай дзейнасьцю. «Алесь быў для мяне такім пэўным духоўным узорам — упэўненым, моцным чалавекам. Ён заўсёды пасьміхаўся, а ў ягоных руках заўсёды была гітара. Ён быў вясёлым веруючым хлопцам, і ня верылася, што зь ім нешта можа здарыцца», — дадаў ён.
Сёньня на імпрэзе гучалі песьні Алеся Чаркашына.
«Беларусы бароняць незалежнасьць Украіны, бо маюць на ўвазе, што незалежнасьць Беларусі таксама сёньня ў вялікай небясьпецы», — адзначыла ў сваю чаргу лідэрка Беларускага цэнтру «Сябры» Галіна Сарочык.
Сёньня ж каля мэмарыяльнай дошкі ў гонар Алеся Чаркашына, Віталя Ціліжэнкі ды Міхася Жызьнеўскага ўкраінскі мастак Тарас Носар прэзэнтаваў сваю новую карціну, прысьвечаную беларусам, якія ў студзені 2015 году ўзьнялі ў Пясках бел-чырвона-белы сьцяг.
-
Бенгальскія агні на шампанскім сталі прычынай пажару ў бары ў Швейцарыі, дзе загінулі 40 чалавек
-
Кіруючая партыя Германіі хоча высылаць сірыйцаў, якія беглі ад грамадзянскай вайны, назад на радзіму — нават рэгулярнымі рэйсамі
-
Еўракамісія пачала расследаванне з-за тыктокаў, створаных з дапамогай штучнага інтэлекту, якія заклікаюць да выхаду Польшчы з ЕС
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары