На дзвюх АЭС у Бельгіі выяўленыя расколіны. Эксперты настойваюць на закрыцці станцый, але ўлады краіны супраць. Каб прадухіліць наступствы магчымай катастрофы, у горадзе Ахен пачалі раздаваць таблеткі з ёдам, паведамляе DW.
Пратэсты, судовыя пазовы, спробы аказаць палітычны ціск — як толькі ні спрабуюць у Германіі і Нідэрландах паўплываць на ўлады Бельгіі з мэтай закрыць дзве атамныя электрастанцыі. Але нягледзячы на наяўнасць каля 100 расколін і больш за 3000 дэфектаў у корпусе атамнага рэактара адной з іх, улады Бельгіі сцвярджаюць, што бяспецы АЭС нічога не пагражае.
Жыхары нямецкага горада Ахен, які знаходзіцца ў непасрэднай блізкасці да аварыйнай станцыі «Тыянж», лічаць інакш. Улады горада пачалі раздаваць прэпараты, якія ўтрымліваюць ёд, на выпадак магчымай аварыі.
Друкуецца ў межах спецыяльнай рубрыкі «Навіны Германіі»
Каментары