У Брэсцкім абласным судзе сёння вынесены абвінаваўчы прысуд па крымінальнай справе пра забойства, здзейсненым з асаблівай жорсткасцю, паведаміла БелТА афіцыйны прадстаўнік суда Алена Кардэлюк.
Суд прызнаў вінаватым 41-гадовага жыхара Камянецкага раёна ў наўмысным супрацьпраўным пазбаўленні жыцця іншага чалавека з асаблівай жорсткасцю, гэта значыць у здзяйсненні злачынства па п.6 ч.2 арт.139 КК.
Абвінавачаны прысуджаны да 16 гадоў пазбаўлення волі з адбываннем пакарання ў папраўчай калоніі ва ўмовах ўзмоцненага рэжыму. Акрамя таго, да мужчыны ўжыта прымусовае лячэнне ад хранічнага алкагалізму.
Прысуд не ўступіў у законную сілу, можа быць абскарджаны і апратэставаны ў апеляцыйным парадку.
***
Трагедыя адбылася 17 красавіка ў аграгарадку Хадосы Камянецкага раёна. Жыхар пасёлка Прыазёрскі знаходзіўся ў гасцях у 56-гадовай мясцовай жыхаркі, з якой адзначаў яе дзень нараджэння. Падчас святкавання паміж імі адбылася сварка. Са слоў мужчыны, жанчына нанесла яму ўдар у галаву пляшкай з-пад віна. Ён узяў іншую пустую пляшку, якой прычыніў траўмы імянінніцы. Ад атрыманых цялесных пашкоджанняў жанчына памерла. Мужчына працаваў вальшчыкам лесу, раней прыцягваўся да крымінальнай адказнасці за гвалтоўныя злачынствы
Літва зноў закрывае мяжу з Беларуссю — на нявызначаны тэрмін9
Літва зноў закрывае мяжу з Беларуссю — на нявызначаны тэрмін
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары