Колькасць дзяцей і падлеткаў, якія пакутуюць на атлусценне, за апошнія 40 гадоў вырасла ў 10 разоў. Да такой высновы прыйшлі аўтары новага даследавання, праведзенага лонданскім Імперскім каледжам сумесна з Сусветнай арганізацыяй аховы здароўя (СААЗ). Яны прааналізавалі паказчыкі масы цела і росту амаль 130 мільёнаў чалавек, старэйшых за пяць гадоў, паведамляе Цэнтр навін ААН.
Эксперты сцвярджаюць, што калі існуючая тэндэнцыя не зменіцца, то колькасць дзяцей і падлеткаў з залішняй вагой і атлусценнем да 2022 года перавысіць колькасць дзяцей з дэфіцытам масы цела.
Прычыны такой трывожнай сітуацыі — разнастайныя. Галоўная, на думку доктара Фіёны Бул, у тым, што наш свет імкліва змяняецца.
«За апошнія 40 гадоў адбыліся кардынальныя змены ў тым, што тычыцца прадуктаў харчавання, порцый, паводзін, спажывання. Усё больш даступныя прадукты, якія прайшлі тэхнічную апрацоўку. Яны шырока рэкламуюцца і цэны на іх значна ніжэйшыя. І мяркуючы па тым, што праблема атлусцення існуе ў большасці рэгіёнаў, мы ўсе спажываем такія прадукты», — сказала Фіёна Бул.
Паказчыкі атлусцення ў дарослых таксама выраслі: са 100 млн у 1975 годзе да 671 млн у 2016 годзе. Больш за ўсё людзей, якія пакутуюць ад залішняй вагі, жыве ў Палінезіі і Мікранэзіі. За імі ідзе група англамоўных развітых краін, спіс якіх узначальваюць ЗША. У Еўрапейскім рэгіёне атлусценне адзначанае ў 23% жанчын і 20% мужчын. Што тычыцца дзіцячага атлусцення, то самыя высокія паказчыкі зафіксаваныя на Мальце і ў Грэцыі, а самыя нізкія — у Малдове.
Залішняя вага прыводзіць да сардэчна-сасудзістых захворванняў, дыябету і іншых праблем са здароўем. Яна часцяком з'яўляецца прычынай стыгмы і здзекаў, ад якіх асабліва пакутуюць дзеці.
У СААЗ заклікаюць, перш за ўсё, старанна даследаваць прычыны такога рэзкага росту маштабаў атлусцення, і распрацаваць меры, якія дапамаглі б спыніць гэтую тэндэнцыю.
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою18
Каментары