Турцыя арыштавала турэцкага грамадзяніна, супрацоўніка консульства ЗША. Вашынгтон у адказ спыніў выдачу віз грамадзянам Турцыі.
У аўторак Дзярждэпартамэнт ЗША выказаў глыбокую заклапочанасць арыштам супрацоўніка сваёй амбасады
«Мы былі вельмі расчараваныя тым, што ўлады Турцыі арыштавалі нанятага на месцы супрацоўніка нашага пасольства», — сказала прадстаўніца Дзярждэпа на брыфінгу, цытуюць інфармацыйныя агенцтвы.
Паводле яе слоў, «галоўнае пытанне турэцкаму ўраду заключаецца ў тым, што адбываецца і чаго яны хочуць дамагчыся».
«Гэтыя дзеянні вельмі трывожаць нас, мы занепакоеныя сітуацыяй, якая склалася», — сказала яна.
Супрацоўніку амерыканскага генконсульства ў Стамбуле Метыну Тапузу выставілі абвінавачванні ў сувязях з путчыстамі, якія летась спрабавалі ажыццявіць дзяржаўны пераварот.
Усяго ў Турцыі па гэтай справе арыштаваныя дзясяткі тысяч людзей, сотні тысяч страцілі працу.
Арышт супрацоўніка консульства — не першы канфлікт між Турцыяй і ЗША, а таксама Еўрасаюзам. Моцна пагоршалі адносіны Турцыі з Нямеччынай. У той ж час Анкара збліжаецца з Масквой.
Ва ўнутранай палітыцы прэзідэнт Эрдаган ад мадэлі «мусульманскай дэмакратыі», якой трымаўся на пачатку свайго кіравання, перайшоў да аўтарытарнай мадэлі.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»23
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары