Аўстралійскі музыкант шатландскага паходжання Джордж Янг памёр ва ўзросце 70 гадоў. Аб гэтым паведамляецца на фэйсбук-старонцы рок-гурта AC/DС у панядзелак.
«З болем у сэрцы мы аб'яўляем пра смерць нашага любімага брата і настаўніка Джорджа Янга. Без яго дапамогі і кіраўніцтва не было б ніякага AC/DC», - гаворыцца ў паведамленні.
Джордж Янг - брат Малькольма і Ангуса Янгаў, заснавальнікаў AC/DC. Ён выступаў у якасці аднаго з прадзюсараў калектыву. Акрамя гэтага, Янг граў на гітары ў аўстралійскай рок-групе The Easybeats і пісаў тэксты песень. Калектыў набыў вядомасць дзякуючы хіту Friday on My Mind.
Янгі нарадзіліся ў Шатландыі і пераехалі ў Аўстралію ў 1963 годзе. У 1964-м Джордж стаў адным са стваральнікаў The Easybeats, а дзесяць гадоў праз Малькольм і Ангус заснавалі AC/DC.
Каментары