Aŭstralijski muzykant šatłandskaha pachodžańnia Džordž Janh pamior va ŭzroście 70 hadoŭ. Ab hetym paviedamlajecca na fejsbuk-staroncy rok-hurta AC/DS u paniadziełak.
«Z bolem u sercy my abjaŭlajem pra śmierć našaha lubimaha brata i nastaŭnika Džordža Janha. Bieź jaho dapamohi i kiraŭnictva nie było b nijakaha AC/DC», - havorycca ŭ paviedamleńni.
Džordž Janh - brat Malkolma i Anhusa Janhaŭ, zasnavalnikaŭ AC/DC. Jon vystupaŭ u jakaści adnaho z pradziusaraŭ kalektyvu. Akramia hetaha, Janh hraŭ na hitary ŭ aŭstralijskaj rok-hrupie The Easybeats i pisaŭ teksty piesień. Kalektyŭ nabyŭ viadomaść dziakujučy chitu Friday on My Mind.
Janhi naradzilisia ŭ Šatłandyi i pierajechali ŭ Aŭstraliju ŭ 1963 hodzie. U 1964-m Džordž staŭ adnym sa stvaralnikaŭ The Easybeats, a dziesiać hadoŭ praz Malkolm i Anhus zasnavali AC/DC.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary