У Кіеве адбыўся замах на дэпутата ад «Радыкальнай партыі» Ігара Масійчука.
Калі ён выходзіў з будынка тэлекампаніі «Эспрэса», на дарозе быў узарваны матацыкл. У суседніх дамах павыбівала шыбы.
«У выніку выбуху пацярпелі тры чалавекі, іх усіх адвезлі ў бальніцы. Аднак адзін чалавек прыкладна 30 гадоў памёр у хуткай дапамозе», — паведаміў спікер Нацыянальнай паліцыі Яраслаў Тракала.
Масійчук паранены, але застаўся жывы. Загінуў яго ахоўнік.
Ігар Масійчук — нацыяналістычны палітык, былы намеснік камандзіра батальёна «Азоў».
Два гады таму, ужо пасля Майдану, ён быў арыштаваны за атрыманне хабару за дапамогу ў прадпрымальніцкай дзейнасці, аднак справу да суда не давялі.
Цяпер чытаюць
«Лукашэнка проста не ведае». Ябацьку, які выкладаў у тыкток відэа пра булінг дачкі, пасадзілі на паўтара месяца10
Каментары