«Нават «Спутнік» не здолеў бы дыскрэдытаваць Польшчу ў вачах беларусаў больш, чым Інстытут нацыянальнай памяці»
Пашлі дурнога Богу маліцца, ён сабе і лоб разаб'е. Так і з перайменаваннем вуліц у Польшчы.
Двойчы арыштаваны ў аўтарытарнай Польшчы і закатаваны ў таталітарным Савецкім Саюзе Тарашкевіч для «вшэхпалякаў ад нацыянальнай памяці» стаў «сустваральнікам таталітарнага рэжыму».
І над Коласам яны «працуюць», бо Колас таксама ад 1945 года быў членам ВКП (б).
Янку Купалу пашанцавала: саветы забілі яго перш, чым прыняць у камуністы, таму пытанне пра перайменаванне вуліцы Купалы не ставяць.
Перайменаванне вуліц — гэта нібы знак: мы ў 1920—30-х з беларусамі ўсё рабілі правільна. І закрыццё школ, і цкаванне ксяндзоў-беларусаў за беларускую мову, і палкамі па пятках у пастарунках. Як і называнне вуліц у свой час было знакам: давайце даруем усё адны другім, беларусы, і будзем сябрамі.
Нават «Спутнік» не здолеў бы дыскрэдытаваць Польшчу ў вачах беларусаў больш, чым Інстытут нацыянальнай памяці з перайменаваннем вуліц Тарашкевіча і (здаецца, да таго дойдзе) Коласа.
Цяпер чытаюць
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў6
Каментары