Прэзідэнт ЗША Дональд Трамп рыхтуецца падпісаць «Дырэктыву № 1 па касмічнай палітыцы», згодна з якой амерыканскія астранаўты неўзабаве будуць здзяйсняць «пілатаваныя палёты на Месяц і назад, а ў канчатковым выніку адправяцца на Марс». Пра гэта са спасылкай на заяву намесніка прэс-сакратара Белага дома Хогана Джыдлі паведамляе Reuters.
Дакумент, як удакладнілі ў адміністрацыі кіраўніка ЗША, будзе падпісаны ў панядзелак, 11 снежня. Нацыянальнаму ўпраўленню па аэранаўтыцы і даследаванні касмічнай прасторы ЗША (NASA) будзе даручана «правесці інавацыйную праграму асваення космасу».
Дата падпісання новай дырэктывы, адзначае выданне Spacenews, супадзе з юбілеем пілатаванай місіі амерыканскага касмічнага карабля «Апалон-17» на паверхню Месяца. Шостая і апошняя высадка на спадарожнік Зямлі адбылася 11 снежня 1972 года. Астранаўты Юджын Сернан і Харысан Шміт тады заставаліся на Месяцы крыху больш за трох сутак. За гэты час яны здзейснілі тры выхады з карабля, падчас якіх сабралі і прывезлі на Зямлю 110,5 кг узораў месяцовай пароды.
Цяпер чытаюць
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?28
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць88
Каментары