Ён зазначыў, што цана на газ вызначыцца ў працэсе перамоў.
Цана расійскага газу для Беларусі павінна быць канкурэнтнай, заявіў 24 верасня прэм’ер‑міністр Сяргей Сідорскі, адказваючы на пытанні журналістаў у ходзе візіту ў Саратаўскую вобласць Расіі.
Ён зазначыў, што цана на газ вызначыцца ў працэсе перамоў. С.Сідорскі падкрэсліў, што «ў Саюзнай дзяржаве трэба мець агульны рынак».
Прэм’ер‑міністр нагадаў, што 31 снежня 2006 года Беларусь і Расія падпісалі дагавор, дзе вызначана формула разліку цаны на газ. Паводле яго слоў, на 2009 год там стаяла прыкладная лічба — 140 долараў за 1 тыс. куб. метраў.
«Я думаю, яна будзе гранічнай. Мы пралічвалі, што цана на расійскі газ для Беларусі будзе прыкладна 129—140 долараў, не вышэйшая. Але гэта пытанне перамоў», — зазначыў С.Сідорскі.
Нагадаем, 1 жніўня на прэс‑канферэнцыі першы віцэ‑прэм’ер Беларусі Уладзімір Сямашка заявіў, што беларускі бок у найбліжэйшы час мае намер ініцыяваць падпісанне дадатковага пагаднення да дагавора аб фарміраванні цаны на газ, якое ўнясе змяненні ў дзейную формулу. Хутчэй за ўсё, гэта пытанне будзе разгледжана ў верасні‑кастрычніку. Аб гэтым праінфармаваў журналістаў 21 жніўня пасол Расіі ў Беларусі Аляксандр Сурыкаў.
Дыпламат зазначыў, што на сустрэчы прэм’ер‑міністраў Расіі і Беларусі, якая адбылася 14 жніўня ў Маскве, «гэты час прызнаны найбольш спрыяльным для прыняцця рашэння па цане на газ». Паводле слоў А.Сурыкава, неабходна правесці «вялікі даразлік за дзевяць месяцаў, што звязана з падаражэннем нафтапрадуктаў».
Цяпер чытаюць
Пракурор просіць для экс-памочніка Лукашэнкі Ігара Брыло 12 гадоў зняволення4
Каментары