Jon zaznačyŭ, što cana na haz vyznačycca ŭ pracesie pieramoŭ.
Cana rasijskaha hazu dla Biełarusi pavinna być kankurentnaj, zajaviŭ 24 vieraśnia premjer‑ministr Siarhiej Sidorski, adkazvajučy na pytańni žurnalistaŭ u chodzie vizitu ŭ Sarataŭskuju vobłaść Rasii.
Jon zaznačyŭ, što cana na haz vyznačycca ŭ pracesie pieramoŭ. S.Sidorski padkreśliŭ, što «ŭ Sajuznaj dziaržavie treba mieć ahulny rynak».
Premjer‑ministr nahadaŭ, što 31 śniežnia 2006 hoda Biełaruś i Rasija padpisali dahavor, dzie vyznačana formuła raźliku cany na haz. Pavodle jaho słoŭ, na 2009 hod tam stajała prykładnaja ličba — 140 dołaraŭ za 1 tys. kub. mietraŭ.
«Ja dumaju, jana budzie hraničnaj. My praličvali, što cana na rasijski haz dla Biełarusi budzie prykładna 129—140 dołaraŭ, nie vyšejšaja. Ale heta pytańnie pieramoŭ», — zaznačyŭ S.Sidorski.
Nahadajem, 1 žniŭnia na pres‑kanfierencyi pieršy vice‑premjer Biełarusi Uładzimir Siamaška zajaviŭ, što biełaruski bok u najbližejšy čas maje namier inicyjavać padpisańnie dadatkovaha pahadnieńnia da dahavora ab farmiravańni cany na haz, jakoje ŭniasie źmianieńni ŭ dziejnuju formułu. Chutčej za ŭsio, heta pytańnie budzie razhledžana ŭ vieraśni‑kastryčniku. Ab hetym prainfarmavaŭ žurnalistaŭ 21 žniŭnia pasoł Rasii ŭ Biełarusi Alaksandr Surykaŭ.
Dypłamat zaznačyŭ, što na sustrečy premjer‑ministraŭ Rasii i Biełarusi, jakaja adbyłasia 14 žniŭnia ŭ Maskvie, «hety čas pryznany najbolš spryjalnym dla pryniaćcia rašeńnia pa canie na haz». Pavodle słoŭ A.Surykava, nieabchodna pravieści «vialiki daraźlik za dzieviać miesiacaŭ, što źviazana z padaražeńniem naftapraduktaŭ».
Kamientary