Апошняя версія iOS усталяваная на 65% айфонаў, а апошняя версія Android — на 0,5% смартфонаў
Кампанія Apple апублікавала статыстыку, якая дэманструе папулярнасць апошняе версіі мабільнай аперацыйнай сістэмы iOS. Лічба ўражвае, калі параўнаць яе з аналагічным паказчыкам для АС Android.
Цяпер iOS 11 ўсталяваная на 65% усіх мабільных прыладаў Apple (смартфоны ды планшэты). На другім месцы па папулярнасці — папярэдняя версія АС — iOS 10, чыя доля складае 28%. Пры гэтым рост прыладаў з iOS 11 складае 6% за месяц.
Тым часам, па стане на снежань 2017 года пад кіраўніцтвам аперацыйнай сістэмы Android 8 Oreo працавала толькі 0,5% усіх мабільных прылад, якія выкарыстоўваюць гэтую АС. Такі нізкі паказчык абумоўлены тым, што Android выкарыстоўваецца амаль ва ўсіх бюджэтных мабільных прыладах, сістэмныя характарыстыкі якіх не дазваляюць працаваць на больш сучасных версіях гэтай аперацыйнай сістэмы.
Цяпер чытаюць
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў19
Каментары