Навукоўцы Чыкагскага універсітэта лічаць, што каля 13 тысяч гадоў таму на Зямлю ўпала камета дыяметрам больш за 100 кіламетраў. Касмічнае цела разбілася на фрагменты, якія «бамбардзіравалі» Паўночную і Паўднёвую Амерыку, захад Еўропы і Азіі. Гэта выклікала «астэроідную зіму», масавае выміранне фаўны і вялікія лясныя пажары, паведамляе The Journal of Geology.
У пласце лёду, які ўтварыўся ў познім дрыясе (завяршальны этап апошняга абляднення), выяўленыя анамальная колькасць плаціны, што паказвае на тое, што гэты элемент быў выкінуты ў атмасферу Зямлі ў выніку катастрафічнай падзеі. У той жа час адбыўся рост канцэнтрацыі солі і пылу, што сведчыць пра ўзмацненне вятроў з-за глабальнага змянення клімату.
Таксама ў адкладах лёду выявілі прыкметы глабальных лясных пажараў. Было выяўлена павелічэнне колькасці прадуктаў гарэння біямасы — амонію, аксіду азоту і ацэтату. Плошча знішчанай агнём расліннасці ацэньваецца ў 10 мільёнаў квадратных кіламетраў (9 адсоткаў усёй біямасы Зямлі). У прыватнасці, выгарала большая частка хваёвых лясоў, на месцы якіх выраслі таполі.
Цяпер чытаюць
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?13
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць88
Каментары