Капітан і абаронца мадрыдскага «Рэала» Серхіа Рамас збегаў у туалет падчас матчу чэмпіянату Іспаніі па футболе з «Эйбарам». Пра гэта паведамляе by.tribuna.com.
На 73-й хвіліне, калі лік быў 1:1, Рамас на пяць хвілін адлучыўся з поля. Футбаліст падбег да галоўнага суддзі, нешта яму сказаў і пабег у падтрыбуннае памяшканне.
За час, што «Рэал» гуляў у меншасці, лік не змяніўся (1:1). Праз пяць хвілін Крышціяну Раналду забіў другі гол, і «Рэал» перамог на выездзе.
На пасляматчавай канферэнцыі галоўны трэнер «Рэала» Зінедзін Зідан паведаміў, што футбаліст бегаў у прыбіральню. «Ён трохі аб***раўся. Серхіа трэба было тэрмінова ў туалет, таму ён збег і неўзабаве вярнуўся на поле», — растлумачыў ён.
Сам Рамас у Twitter таксама гэта пацвердзіў: «Кліч прыроды. Сышоў-вярнуўся. Перазарадзіўся. Забілі гол. Цяпер дадому. Так трымаць!»
Típico apretón. / Nature calls.
Salir. Entrar. / Out & back in. ♂
Vuelta a la carga. / Reload.
Gol del equipo. / Team goal. ⚽️
➕3⃣
Y vuelta a casa. / Back home.
¡Seguimos! / Let's keep it up.#HalaMadrid pic.twitter.com/2r67vxEZlq
«Рэал» абыграў «Эйбар» з лікам 2:1. Клуб займае трэцяе месца ў табліцы чэмпіянату Іспаніі. Лідзіруе «Барселона».
Цяпер чытаюць
Мінск, Варшава, Вільня — параўноўваем, дзе прасцей купіць кватэру чалавеку з сярэдняй зарплатай1
Каментары