Падчас праверкі баявой гатоўнасці арміі Лукашэнка абышоўся без Хрэніна
Ва Узброеных сілах Беларусі працягваецца праверка баявой гатоўнасці, якая ўжо ідзе другі дзень. Як паведамляе Міністэрства абароны, у межах праверкі ў стан поўнай гатоўнасці прыводзіцца механізаванае злучэнне, а таксама прыцягваюцца дадатковыя падраздзяленні. Але дзяржаўны сакратар Рады бяспекі Аляксандр Вальфовіч са свайго боку заявіў, што гэтая праверка мае дзіўную асаблівасць.
Па словах Вальфовіча, цяпер прымянялася новая схема: распараджэнне на прывядзенне вайсковай часці ў баявую гатоўнасць Лукашэнка перадаў непасрэдна камандзіру механізаванай брыгады праз дзяржсакратара Рады бяспекі, абмінуўшы Міністэрства абароны і міністра Віктара Хрэніна.
Вальфовіч таксама падкрэсліў, што Лукашэнка асабіста штодня кантралюе ход праверкі, заслухоўвае даклады пра выкананне пастаўленых задач і дае ўказанні. У той жа час міністр абароны не ўмешваецца ў працэс правядзення праверкі.
Як патлумачыў Вальфовіч, такая схема звязана з напружанай ваенна-палітычнай сітуацыяй у свеце, якая патрабуе пастаяннай высокай баявой гатоўнасці войскаў.
Летась міністр абароны Віктар Хрэнін быў апошнім чалавекам, з якім Лукашэнка нібыта публічна размаўляў. За 15 хвілін да наступлення 2026 года прапагандысты паказалі, што нібыта перад тым, як ісці выступаць у студыю — вядома, што зварот запісваецца загадзя, — Лукашэнка набірае па ўрадавай сувязі нумар міністра абароны Віктара Хрэніна і пытаецца ў яго:
«Ну, як ты жывеш там? Як там нашы праціўнікі, супернікі і, не дай бог, ворагі? Ну, ты ж разумееш, у кагосьці свята, хтосьці адзначае, а нам з табой не да святаў. Трэба ўсё бачыць, што адбываецца».
Пасля гэтага, перадаўшы праз Хрэніна прывітанне «ўсім людзям у пагонах», Лукашэнка нібыта пайшоў рабіць свой зварот-віншаванне.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2525
Каментары