Google пачаў выдзяляць кампаніі, якімі кіруюць жанчыны і якія талерантныя да ЛГБТ
Сэрвіс «Google Мой бізнэс» дадаў для ўласнікаў кампаній магчымасць пазначаць, што кіраўнік — жанчына, а таксама талерантнасць да трансгендараў і прадстаўнікоў ЛГБТ-супольнасці.
З дапамогай «Google Мой бізнэс» кожны можа стварыць акаўнт сваёй кампаніі, што будзе адлюстроўвацца на мапах Google, а таксама калі карыстальнік увядзе яе назву ў пошукавым радку.
Патэнцыйныя кліенты могуць пабачыць графік працы зарэгістраванай установы, яе адрас, фотаздымкі, водгукі іншых людзей, загружанасць у пэўныя дні і гадзіны і іншую інфармацыю.
Цяпер ва ўсіх гэтых выпадках кампанія будзе пазначацца яшчэ і адпаведнымі значкамі, якія паведамляюць пра тое, што ўстановай кіруе жанчына (як на фота ніжэй) і што прадстаўнікам ЛГБТ-супольнасці і трансгендарам тут будуць радыя.
Каментары