Былы міністр замежных справаў Антановіч: «Нацыянальная рэлігія Беларусі — гэта праваслаўе»
Яшчэ напачатку сакавіка ў Маскве на гістарычным факультэце Маскоўскага дзяржаўнага ўніверсітэта імя Ламаносава адбылася навуковая канферэнцыя «Асэнсаванне альтэрнатыўных канцэпцый расійска-беларускай гісторыі». Яе арганізатарам выступіў Фонд развіцця інстытутаў грамадзянскай супольнасці «Народная дыпламатыя». Цяпер жа ў расійскай прэсе з’яўляюцца пэўныя падрабязнасці гэтай падзеі.
На канферэнцыі прысутнічалі такія прарасійскія дзеячы, як Леў Крыштаповіч ці Кірыл Авяр’янаў-Мінскі. Удзельнічаў у канферэнцыі і былы міністр замежных справаў нашай краіны Іван Антановіч, які стала жыве ў Маскве. Менавіта Антановіч два гады (1997—1998) адказваў за міжнародную палітыку Беларусі.
Ягоная пазіцыя палягае ў тым, што Беларусь знаходзіцца на мяжы разлому ў славянскім свеце. «Беларуская дзяржаўнасць сфармавалася ва ўлонні рускай дзяржаўнай традыцыі, нацыянальная рэлігія беларусаў — праваслаўе, прынятае ў часы Кіеўскай Русі,«дзяржавы-прамаці», — сказаў Антановіч.
Ён абураўся на тых гісторыкаў, якія спрабуюць узвялічваць «літоўска-польскі» перыяд у гісторыі нашай краіны і ачарняюць «руска-імперскі».
З ім спрабаваў спрачацца дырэктар Інстытута гісторыі Акадэміі навук Вячаслаў Даніловіч, які адзначаў, што беларуская дзяржаўнасць фарміравалася і ў рамках ВКЛ, і Рэчы Паспалітай, і БНР, і БССР, і шмат дзе яшчэ.
Цяпер чытаюць
Кіберпартызаны і хакеры Silent Crow узламалі «Аэрафлот». Яны атрымалі даныя пра ўсе пералёты2
Кіберпартызаны і хакеры Silent Crow узламалі «Аэрафлот». Яны атрымалі даныя пра ўсе пералёты
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4747
Каментары