Пасля сённяшніх сутычак на праспекце Баграмяна ў армянскай сталіцы кіраўнік партыі «Грамадзянскі дагавор» і кіраўнік парламенцкай фракцыі «Выхад» Нікол Пашынян, дастаўлены ў бальніцу з ірванымі ранамі, паведамляе Інтэрфакс.
«Падчас сутыкнення Пашынян зваліўся на калючы дрот, атрымаў ірваныя раны», — сказаў Інтэрфаксу прэс-сакратар фракцыі Тыгран Авінян.
Калючы дрот расцягнула паліцыя. Таксама, паведамляюць інфармагенцтвы, супраць дэманстрантаў ужываліся слезацечны газ і шумавыя гранаты.
Many injured in @Yerevan as protesters clash with police pic.twitter.com/LccOyUwzgP
Усяго, як паведамляецца, у бальніцы трапілі 33 чалавекі. У абсалютнай большасці — дэманстранты У траіх шпіталізаваных паліцэйскіх лёгкія раненні.
Некалькі гадзін таму Пашынян заклікаў прыхільнікаў адправіцца да будынка парламента, пасля чаго частцы дэманстрантаў удалося прарваць ачапленне паліцыі.
Сёння сотні актывістаў і студэнтаў блакавалі цэнтральныя вуліцы армянскай сталіцы, што паралізавала рух транспарту на многіх участках гораду.
Так пратэстоўцы спрабуюць прадухіліць падаўжэнне ўлады Сержа Саргсяна ўжо на пасадзе прэм’ер-міністра. Галасаванне па кандыдатуры экс-прэзыдэнта ў парламенце прызначана на 17 красавіка.
Краіна пераходзіць да парламенцкай формы кіравання. Кіраваць дзяржавай стане прэм'ер-міністар. Кіроўная Рэспубліканская партыя Арменіі 14 красавіка вылучыла на гэтую пасаду Саргсяна, які з 2008 па 2018 гады быў прэзідэнтам.
Цяпер чытаюць
«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў2
Каментары