Польскія СМІ масава паведамляюць пра здарэнне ў горадзе Голдап. Паводле версіі пракуратуры,
8 красавіка трое мясцовых жыхароў з прымяненнем слезацечнага газу накінуліся на семярых беларусаў, якія прыехалі ў горад на заробкі.
«У грамадзян Беларусі распылілі газ, потым пачалі біць рукамі, адзін з нападнікаў біў бутэлькай па галаве», — паведамляюць польскія СМІ.
Ілюстрацыйнае фота
Трох злачынцаў затрымалі амаль адразу ж пасля здарэння, яны прызналі сваю віну і патлумачылі, што білі за тое, што тыя ў чужой кампаніі «гаварылі па-руску».
Цяпер тром затрыманым пагражае па 7,5 года зняволення, але яны адпушчаныя пад падпіску аб нявыездзе.
Польскія медыя нагадваюць, што ў горадзе Голдап жыве і працуе каля 200 беларусаў.
У загінулай у Сляпянцы дзяўчыне апазналі Яну Кастранкову2
Каментары