Аператар сувязі «Белтэлекам» нагадаў, што навальніца можа парушыць працу хатняга мадэма або ТБ-прыстаўкі. Спецыялісты тэхнічнай падтрымкі кампаніі рэкамендуюць адключаць падчас навальніцы гэтыя прылады.
«Метэаралагічныя з'явы ствараюць электрамагнітны імпульс, з'яўляецца магутная шырокапалосная перашкода, якая ўздзейнічае як на працу бяздротавых прыбораў (Bluetooth, Wi-Fi), так і на працу электрычных сетак», — гаворыцца ў паведамленні кампаніі.
Сярод агульных рэкамендацый на час навальніцы — адключыць электрапрыборы, а пры магчымасці — і электрасілкаванне, зачыніць вокны і форткі.
«Спецыялісты тэхнічнай падтрымкі РУП «Белтэлекам» рэкамендуюць адключаць падчас навальніцы мадэмы і прыстаўкі. Не зрабіўшы гэтага, пасля непагадзі вы можаце заўважыць, што абсталяванне не працуе. Паспрабуйце ўключыць яго ў іншую разетку або скінуць налады да заводскіх. Калі гэтыя дзеянні не дапамагаюць, звярніцеся ў сэрвісны цэнтр кампаніі для замены прыстаўкі ці мадэма», — пішуць спецыялісты.
Прадстаўнікі кампаніі нагадалі, што пункт аб навальніцы ёсць у «Парадку аказання паслуг», з якім згаджаюцца ўсе абаненты кампаніі: «каб пазбегнуць пашкоджанняў канцавога абсталявання, прадастаўленага аператарам, выкліканых уплывам метэаралагічных з'яў (навальнічныя разрады і да т.п.), абанент павінен выключаць канцавое абсталяванне з сеткі электрасілкавання пры ўзнікненні такіх з'яў».
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу4
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х19
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8585
Каментары