17 мая агучылі вырак пяцярым членам сям’і з Мінскага раёна. Цыгане, якія нідзе не працавалі, але мелі хатнюю работніцу, вырашылі «зняць» з жанчыны грошай.
25-гадовыя муж і жонка разам са сваімі бацькамі запрасілі 52-гадовую жанчыну прыбраць у катэджы перад Новым годам. А пасля заявілі ёй, што 650 даляраў зніклі. І жанчына мусіць аддаць тыя грошы.
Жанчыну гвалтам утрымлівалі ў доме, збівалі, прымушалі распранацца, напісалі «прызнанне» і прымусілі жанчыну зачытаць яго на камеру.
Пасля работніца пайшла ў міліцыю. Але яе «працадаўцы» адразу ж напісалі сустрэчную заяву: маўляў, тая скрала грошы. Але суму адразу павялічылі — нібыта знікла 6650 даляраў.
Праўда, неўзабаве затрымалі ўсіх пяцярых «пацярпелых». Суд вырашыў, што яны вінаватыя ў паклёпе, незаконным пазбаўленні волі, вымагальніцтве.
Двое жанчын атрымалі па 4,5 года калоніі агульнага рэжыму. Адзін з мужчын — таксама 4,5 года, але ўзмоцненага рэжыму. Яшчэ двое мужчын атрымалі па 4 гады калоніі, рэжым — узмоцнены.
Таксама маёмасць сям’і канфіскуюць, яны мусяць сплаціць 2000 рублёў пацярпелай работніцы.
Цяпер чытаюць
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне6060
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне60
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары