4 ліпеня суд Цэнтральнага раёна Гомеля вынес прыгавор 11-ці падлеткам, якія знаёміліся з мужчынамі ў сацсетках, сустракаліся з імі — і аблівалі зялёнкай.
Абвінавачаныя прызнаныя вінаватымі ў злосным і асабліва злосным хуліганстве, крадзяжах і іншых злачынствах.
Па версіі следства, маладыя людзі з дапамогай перапіскі ў сацсетках прапаноўвалі пэўным жыхарам Гомеля (гаворка ідзе пра мужчын нетрадыцыйнай сэксуальнай арыентацыі) сустрэцца на прыпынках грамадскага транспарту або побач з рынкам. Затым яны акружалі патэнцыйную ахвяру, пад пагрозай прымянення гвалту адводзілі ў месца, дзе ніхто старонні не мог бы перашкодзіць. Там абвінавачаныя «выказвалі ў адрас пацярпелых дыскрэдытуючыя іх звесткі, якія тыя жадалі б захаваць у таямніцы, з пагрозай прымянення гвалту». Аднаму пацярпеламу пасля абразаў і нанясення пабояў часткова пагалілі галаву і аблілі яе зялёнкай, іншаму - налілі зялёнку на рукі і прымусілі нанесці на твар.
Таксама некаторых з іх абвінавачвалі ў крадзяжах, рабаваннях, вымагальніцтве, распаўсюдзе парнаграфічных матэрыялаў і малюнкаў з выкарыстаннем інтэрнэту.
Судовыя паседжанні праходзілі ў закрытым рэжыме. Большасць з іх атрымалі па году пазбаўлення волі з адтэрміноўкай пакарання на год.
Чацвярым абвінавачаным прызначана пакаранне ў выглядзе пазбаўлення волі на тэрмін 1 год і 6 месяцаў з адтэрміноўкай на год.
Аднаму - пазбаўленне волі на тэрмін 2 гады з адтэрміноўкай на год.
Акрамя гэтага пяцярым абвінавачаным быў прызначаны штрафы ад 1 225 да 1 470 рублёў.
Таксама на карысць аднаго з пацярпелых абвінавачаныя павінны выплаціць у салідарным парадку матэрыяльную кампенсацыю маральнай шкоды ў памеры 800 рублёў.
Спявак Дзмітрый Калдун паказаў сваю мінскую кватэру недалёка ад Драздоў ШМАТ ФОТА16
Каментары