Суд Барысаўскага раёна вынес прысуд палкоўніку Сяргею Гарадзінскаму, які не разгледзеў паведамленне пра траўму радавога, не зарэгістраваў дадзеную інфармацыю і не праінфармаваў сваё кіраўніцтва. Палкоўніку прызначылі два гады калоніі агульнага рэжыму, паведамляе Мінскі абласны суд. Таксама вайскоўца аштрафавалі на 8575 рублёў у даход дзяржавы.
Абвінавачаны служыў на пасадзе камандзіра 60-га асобнага палка сувязі штаба Паўночна-заходняга акруговага камандавання. Калі палкоўнік даведаўся пра злачынства, ён утаіў яго: не прызначылі службовае расследаванне, пра злачынства абвінавачаны не паведаміў пракурору Мінскай вобласці.
Абвінавачванне яму вынесена на падставе ч. 1 арт. 455 КК — «Злоўжыванне ўладай, спалучанае з гвалтам».
Сваю віну Сяргей Гарадзінскі цалкам прызнаў і раскаяўся.
Прысуд у законную сілу не ўступіў і можа быць абскарджаны і апратэставаны.
Па ўласніку «Софтклуба» Сіротку, які сядзіць у СІЗА КДБ, прыляцела і ад Польшчы — на яго крыптабіржу Bynex наклалі санкцыі2
Каментары