Расейская праваслаўная царква зьбіраецца пабудаваць у Сергіевым Пасадзе «праваслаўны Ватыкан» і зьнесьці дзеля гэтага частку будынкаў у цэнтры гораду.
Пра гэта паведамляе расейская служба «Бі-Бі-Сі», у распараджэньні якой апынуўся плян перабудовы Сергіева Пасаду.
Побач з Тройца-Сергіевай лаўрай плянуецца пабудаваць «храм пад адкрытым небам». У цэнтры гораду РПЦ прапануе зьнесьці будынак адміністрацыі Сергіева Пасаду, два гатэлі, некалькі жылых дамоў, гандлёвы цэнтар, забаўляльны парк і рынак. На іх месцы плянуецца ўзьвесьці бібліятэку, комплекс царкоўных устаноў, моладзевы цэнтар, кангрэс-цэнтар і мэдыя-цэнтар.
У жніўні кіраўнік царкоўнай рады па мастацтве, архітэктуры і рэстаўрацыі, пратаярэй Леанід Калінін заявіў, што цэнтар гораду трэба «ачысьціць ад савецкай спадчыны».
Паводле словаў царкоўнікаў, праект ухвалены патрыярхам Кірылам і прэзыдэнтам Расеі Ўладзімірам Пуціным. Прэс-сакратар кіраўніка дзяржавы на пытаньне аб тым, ці быў такі праект рэканструкцыі, не адказаў.
Каментары