«Нязыгар»: 21 верасня Лукашэнка назаве Пуціну імя свайго пераемніка
Ананімны расійскі тэлеграм-канал «Нязыгар» парадаваў новым «шыкоўным інсайдам» па беларускім пытанні.
«21 верасня Лукашэнку чакаюць у Сочы. Запланавана сустрэча Лукашэнкі і Уладзіміра Пуціна з удзелам прэм'ер-міністраў і віцэ-прэм'ераў дзвюх краін.
Як кажуць, Лукашэнку далі час падумаць і ён павінен будзе паведаміць Пуціну імя свайго пераемніка. Далейшае яго знаходжанне як і працяг сямейнай дынастыі адхілілі», — адзначае «Нязыгар».
Ужо некалькі месяцаў тэлеграм-канал «Нязыгар», які мае 175 тысяч падпісчыкаў, вядзе інфармацыйную атаку на беларускія ўлады, а таксама незалежнае грамадства. Калі першыя «злівы» яшчэ здаваліся праўдападобнымі, то наступныя здаюцца ўсё болей з жанру «фэнтэзі».
Менавіта «Нязыгар» інфармаваў пра «інсульт» Лукашэнкі, а таксама пра тое, што Румас хоча цалкам выкараніць рускую мову з працы ўрада. Чытаючы такія «інсайды», толькі і хочацца, што пакруціць пальцам ля скроні.
Цяпер чытаюць
Памятаеце палітвязня Вітухноўскага, які пайшоў ваяваць за Расію? Ён ужо загінуў9
Каментары