17 верасня 29-гадовы бабруйчанін зайшоў у кафэ «Любімае месца». Мужчына на вачах у прадаўца скраў шакаладныя батончыкі, якія стаялі ў вазе на стойцы, — усяго 19 штук на суму 7 рублёў 90 капеек. Хлопец проста схапіў іх і ўцёк.
Работнікі кафэ звярнуліся ў міліцыю. З дапамогай камер відэаназірання асобу мужчыны высветлілі. Яго затрымалі і арыштавалі.
Праваахоўнікам хлопец прызнаўся: «Так хацелася салодкага — не змог стрымацца».
Падазраваны нідзе не працуе. Раней быў судзімы — таксама за рабаванне.
Супраць яго распачалі крымінальную справу па частцы 2 артыкула 206 (рабаванне). Яму пагражае абмежаванне волі на тэрмін да пяці гадоў або пазбаўленне волі на тэрмін ад двух да шасці гадоў.
Мікола Бугай: Трэба перагарнуць старонку 2020-га і пачаць жыць новымі рэаліямі68
Каментары