У Лондане прайшла цырымонія ўзнагароджання найлепшых гульцоў года паводле версіі ФІФА The Best. Галоўны прыз — найлепшы гулец — атрымаў паўабаронца «Рэала» і зборнай Харватыі Лука Модрыч.
Модрыч у якасці капітана дайшоў са зборнай Харватыі да фіналу чэмпіянату свету, быў прызнаны найлепшым гульцом ЧС, а месяцам раней разам з «Рэалам» выйграў Лігу чэмпіёнаў.
У шорт-лісце былі таксама Крышціяну Раналду, што ўлетку перайшоў з «Рэала» ў «Ювентус», і форвард «Ліверпуля» Махамед Салах.
Нагадаем, што найлепшага футбаліста года вызначаюць па дзвюх асноўных версіях. Першая — «Залаты мяч», які з 1956 года ў студзені ўручаецца часопісам France Football. Другая версія — ФІФА. У 2010-м ўзнагароды зліліся ў адну, якая стала называцца «Залаты мяч ФІФА». Яе 5 гадоў уручалі Месі або Раналду.
У 2015-м прызы зноў падзяліліся — «Залаты мяч» вярнуўся да France Football, а прызы ФІФА цяпер называюцца The Best.
***
Найлепшым галкіперам названы Цібо Куртуа (зборная Бельгіі), найлепшым трэнерам Дыд'е Дэшам (зборная Францыі), найлепшымі заўзятарамі — балельшчыкі зборнай Перу (40 тысяч чалавек наведалі Расію падчас ЧС па футболе).
Гол Салаха ў вароты «Эвертана» названы найлепшым голам года.
The goal that won @MoSalah the #Puskás#TheBest #FIFAFootballAwards pic.twitter.com/KwAvwA8zGK
Сімвалічная зборная ФІФА:
Галкіпер: Давід Дэ Хеа («Манчэстар Юнайтэд»);
Абаронцы: Серхіа Рамас, Марселу, Рафаэль Варан (усе — «Рэал»), Дані Алвес («ПСЖ»);
Паўабаронцы: Лука Модрыч («Рэал»), Нгало Кантэ («Чэлсі»);
Форварды: Крышціяну Раналду («Ювентус»), Ліянэль Месі («Барселона»), Эдэн Азар («Чэлсі»), Кіліян Мбапэ («ПСЖ»).
Каментары