Сваякі асуджаных гомельскіх мытнікаў паскардзіліся Пуціну
На працягу ўсяго працэсу па справе гомельскіх мытнікаў і пасля абвінаваўчага прысуду сваякі абвінавачаных не аднойчы накіроўвалі калектыўныя звароты ў адрас Аляксандра Лукашэнкі. Свой чарговы зварот яны накіравалі ўжо ў Маскву — Уладзіміру Пуціну.
22 мая суд Цэнтральнага раёна Гомеля прызнаў былых мытнікаў вінаватымі ў атрыманні хабараў і прысудзіў да пазбаўлення волі на тэрміны ад 3 да 13,5 года.
Падзеі адбываліся ў 2010-2016 гадах на ўчастку расійскага-беларускай мяжы каля населенага пункта Селішчы.
Сваякі асуджаных мытнікаў звяртаюць увагу, што з 1995 года ўказамі прэзідэнтаў Расіі і Беларусі мытны кантроль на мяжы адмянілі. З 2007 года мытная тэрыторыя Расіі і Беларусі стала адзінай. На мяжы няма мытнага, фітасанітарнага, ветэрынарнага і іншых відаў кантролю.
Крутога айцішніка, які вярнуўся з Польшчы, кінулі за краты за фінансаванне «экстрэмізму»25
Каментары