Расійскі журналіст Аркадзь Бабчанка, на якога хацелі здзейсніць замах, заявіў у сваім фэйсбуку, што Расія рыхтавала масавыя тэракты па ўсёй Украіне, а да яго замаху датычныя спецслужбы Расіі і расійскі бізнэсмен Яўген Прыгожын.
Ён адзначыў, што, імаверна, Прыгожын «вельмі не любіць, калі пра яго пачынаюць пісаць у газетах». Па словах Бабчанкі, у Расіі нападалі на ўсіх журналістаў, якія пісалі пра Прыгожына.
«Незадоўга да заказу на мяне пра Прыгожына пачаў пісаць я», — напісаў Бабчанка.
Па словах журналіста, пра дачыненне спецслужб Расіі да замовы на замах кажа тое, што ў арыенціроўцы на забойства былі яго пашпартныя даныя, адрас, а таксама пашпартныя даныя і адрас яго жонкі, а таксама даныя пра яго службу ў войску.
Па словах журналіста, замах на яго мог адбыцца 26 мая, калі ў Кіеве праходзіў фінал Лігі чэмпіёнаў па футболе. А незадоўга да гэтага расійскія СМІ тыражавалі фэйк пра тое, што «Ісламская дзяржава» нібыта рыхтуе ў Кіеве тэракты да фіналу ЛЧ.
Таксама Бабчанка лічыць, што спецслужбы Расіі рыхтавалі мінімум два замахі — на яго і раней на яшчэ аднаго грамадзяніна Расіі, які атрымаў палітычны прытулак у Вялікабрытаніі.
Ён таксама паведамляе, што пасля «свайго ўваскрашэння» неаднаразова атакаваўся тролямі ў сацсетках і ўпэўнены, што спецслужбы Расіі маюць доступ да яго месенджара.
Бабчанка заяўляе, што «Расіяй рыхтаваліся масавыя тэрарыстычныя акты па ўсёй Украіне».
«Рыхтаваліся доўга. Рыхтаваліся сур'ёзна. З пераноснымі зенітна-ракетнымі комплексамі, з супрацьтанкавымі комплексамі, з гранатамётамі, з групоўкамі ў розных гарадах, са стварэннем прарасійскіх партый, з закідваннем тэрарыстычных груповак з Расіі і гэтак далей», — заяўляе Бабчанка.
Паводле яго слоў, тэракты ва Украіне рыхтаваліся як мінімум за 11 месяцаў да замаху на яго.
«Як мяркуецца, сляды замовы тэрарыстычных актаў вядуць да кухара Пуціна Яўгена Прыгожына. Яго структуры працуюць у цесным узаемадзеянні са спецслужбамі Расіі. Імаверна, і каардынуюцца менавіта адтуль. Гэта дае падставу казаць пра дзяржаўны тэрарызм», — заяўляе Бабчанка.
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі6
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары